ನೋ ಕಾಮೆಂಟ್ಸ್

ಮಹಿಳಾ ದಿನಕ್ಕಿಂತ ಮುನ್ನ ಮತ್ತು ಮಹಿಳಾ ದಿನದಂದು ಕನ್ನಡದ  ಎರಡು ಪತ್ರಿಕೆಗಳು ಬರೆದ ಸುದ್ದಿಗಳು ಹೀಗಿವೆ:

ಇವು ವಿಜಯ ಕರ್ನಾಟಕದಲ್ಲಿ  ಇತ್ತೀಚೆಗೆ ಒಂದೇ ದಿನ ಬಂದ ಸುದ್ದಿತುಣುಕುಗಳು

ಮೊದಲನೇದು ಕಾಮಸೂತ್ರ ಪುಸ್ತಕದ ಬಗ್ಗೆ ತುರುಕಿದ ಸುದ್ದಿ. ಎರಡನೇದು  ಒಳಚೆಡ್ಡಿ ಕಳಚುತ್ತಿರುವ ಹುಡುಗಿಯ ಚಿತ್ರ.  ಇವೆರಡೂ ಈ ನಂಬರ್ 1 ಪತ್ರಿಕೆಗೆ ಬೇಕಾಗಿತ್ತೆ?

ಇದು ಕನ್ನಡಪ್ರಭದ ಮುಖಪುಟದ (8.3.2011) ಮೊದಲ ವಾಕ್ಯ.

ಅರುಣಾ ಶಾನಭಾಗರನ್ನು ಉಳಿದ ಮಹಿಳಾ ಮಣಿಯವರ ಜೊತೆಗೆ ಸೇರಿಸಿದ್ದು ಸರಿಯೆ? ನೀವೇ ಹೇಳಬೇಕು. ಅಲ್ಲದೆ ದಯಾಮರಣವನ್ನು ಕೇಳಿದಾಕೆ ಅವರಲ್ಲ,  ಅವರ ಸ್ನೇಹಿತೆ ಎಂದು ಕರೆದುಕೊಂಡಾಕೆ. ಹಾಗೆ ನೋಡಿದರೆ ಇದು ಮಹಿಳಾ ದಿನದ ದಿನ ಬಂದ ತೀರ್ಪು ಎನ್ನುವುದನ್ನು ಹೊರತುಪಡಿಸಿದರೆ ಮಾನವೀಯ ಅಂತಃಕರಣದ ಸುದ್ದಿಯೇ ಹೊರತು ಮಹಿಳೆಗೇ ಸಂಬಂಧಿಸಿದ್ದಲ್ಲ. ಅರುಣಾ ಶಾನಭಾಗರು ಎಂದೂ ಸ್ವತಃ ಪ್ರಚಾರ ಬಯಸಿಲ್ಲ. ದಯಾಮರಣದಂಥ ಗಂಭೀರ ನೀತಿನಿರೂಪಣೆಯ ಬಗ್ಗೆ ಸರ್ವೋಚ್ಚ ನ್ಯಾಯಾಲಯ ತೀರ್ಪು ನೀಡಿದರೆ ಅದನ್ನು ಪ್ರಚಾರ  ಎಂದು ಕರೆಯಬಹುದೆ?  (ಹಾಗಂತ ಅರುಣಾ ಈ ಹಿಂದೆ ಅತ್ಯಾಚಾರಕ್ಕೆ ಒಳಗಾಗಿದ್ದನ್ನು ಮರೆಯುವಂತಿಲ್ಲ;  ಆದರೆ ನ್ಯಾಯಾಲಯ ತೀರ್ಪು ಕೊಟ್ಟಿದ್ದು ದಯಾಮರಣದ ವಿಷಯದಲ್ಲಿ). ಒಳಪುಟದಲ್ಲಿ ಜಯಂತ್ ಕಾಯ್ಕಿಣಿ ಲೇಖನವನ್ನೂ ಓದಿದರೆ ಈ ಟೀಕೆ ಸರಿಯೆ, ತಪ್ಪೆ ಎಂದು ನಿರ್ಧರಿಸಬಹುದು!